Пад такой назвай у памяшканні зімняга сада Дома культуры Салігорска адкрылася фотавыстава Аксаны Крывастаненка, вучаніцы 10 класа САШ № 4. На суд гледачоў прадстаўлены фотаздымкі родных краявідаў Салігоршчыны, Даніі і Чэхіі, а таксама партрэтныя замалёўкі.
Як сказала сама аўтарка, “гэта мой першы крок у фатаграфіі”. Некаторы час яна займалася ў фотагуртку пры Цэнтры Тэхнічнай Творчасці, але пазнаваць сакрэты цікавага фотаздымка даводзіцца самой. На адкрыццё выставы прыйшло многа моладзі, знакамітых фотамайстроў горада. Апошнія адзначалі поспех маладой фотамастачкі.
Уладзімір Амяльчэня
{mos_fb_discuss:2}