Салігорскія ратавальнікі на свяце аграгарадка Акцябр

Штогод у Салігорскім раёне праходзяць яркія і запамінальныя святы вёсак. На мінулых выхадных сваё свята адгулялі жыхары аграгарадка Акцябр.

Пачалося свята з паказальных выступленняў пажарнай аварыйна-выратавальнай тэхнікі Салігорскага гаррайаддзела па надзвычайных сітуацыях. Ратавальнікі прадэманстравалі вяскоўцам магчымасці ўстаноўкі «Пурга», стацыянарнага лафетнага ствала, перфараванага рукава і вадзяной заслоны, створанай пры дапамозе веернага распыляльніка.

Жыхары з вялікай цікавасцю знаёміліся з тэхнікай і абсталяваннем, якія маюцца на ўзбраенні ў выратавальнікаў.

Усе жадаючыя змаглі паспрабаваць сябе ў ролі выратавальнікаў-пажарных, прымерыць баявую вопратку, пасядзець у пажарным аўтамабілі і сфатаграфавацца на яе фоне.

Працягнулася свята канцэртнай праграмай, падчас якой актывісты Беларускай моладзевай грамадскай арганізацыі выратавальнікаў-пажарных уручалі мясцовым жыхарам памяткі і нагадвалі аб выкананні элементарных правілаў пажарнай бяспекі

Источник: Министерство по чрезвычайным ситуациям Республики Беларусь